Xegrand 燈制
一向對於燈制沒什麽要求, 妹妹推介E3000我們也打算用一樣的, 但一天在旺角買厨房用具時巧遇這Xegrand 燈制, 用”一見傾心”也不為過, 立即打電話問CF 買咗燈制未, 好在CF仲未買, 所以立即轉軚啦!
實在好喜歡它的簡約設計!
後來才知道在香港可以買到Xegrand地方很少, 我們算好好彩可以偶遇它!
CF後來打電話來說方制暫時沒貨, 圓制就有現貨問我地轉唔轉, 我倆一致認為方制靚過圓制, 而且只是等兩天, 所以唔轉啦!
Xegrand燈制不是比E3000貴很多, 但它的插蘇制價錢卻是天文數字啊(全屋插蘇制多到數不清), 所以用比較化算的E8000
E8000和地磚顏色都很夾!
Xegrand 的門鐘都很靚仔!
買燈篇:
個個都說不要在香港買燈, 因為同一款大陸會平好多。所以我和亞鄧去了深圳田貝四路走了一轉, 在羅湖”打的”約二十多人仔, 其實我倆只是去了”五方家居廣場”, 都有唔少燈。但好多係水晶燈同啲好grand嘅燈, 唔係太啱我地
都有些簡約燈款, 但我倆看中的都唔平, 最後都無買到
對於燈的要求亦很簡單:
款色簡約, 易清潔好多
完全密封, 好怕啲小昆蟲入咗去
易換燈膽 (以前啲燈亞鄧成日話佢隻手太大換唔到, 要我爬上去換)
有日去開灣仔順便睇燈, 個sales哥哥帶我地睇台灣及西班牙產嘅燈, 都幾符合我地嘅要求, 全部100%密封, 好快就買哂全屋燈啦。
飯廳燈:
就係我和亞鄧都被這燈吸引着才决定幫襯這店鋪
簡約得來又有少少波浪型, 很喜歡它呢!
客廳燈:
很簡單的款色, 勁易換光管, I like it very much!
主人房燈:
好多人都揀肚臍燈, 我都覺得幾靚, sales 話台灣造的所以價錢貴內地些, 其實都唔知真定假! 不過原來換燈膽都幾麻煩, 有少少後悔!
走廊燈:
最plain 的款色, 完全無花巧
書房及客房:
都用了迷李版的客廳燈,
梳枱燈:
想不到揀到最後沒心機揀的鏡燈都幾好睇喎
不過裝燈CF話跟本沒有100%密封的燈架, 啲蚊仔點都可以揾到地方入去燈內, 只係多定少啫, 希望唔會好似以前舊燈咁成盤蚊仔屍體藏係到啦!真係好惡心呢!
留言列表