廚房篇:
廚櫃公司是妹妹推介的, 它不是一間大公司, 我們去的分店長期都是得一位sales哥哥駐守, 原來designer也是他一個人, 而且他表達能力不是很好, 剛開始實在對他沒多大的信心, 不過後來效果都不錯才放下心
而家好興灰玻璃或灰鏡做厨櫃門, 實在外觀上很modern 好看, 但清潔要花不少功夫才可保持光潔明亮, 懶人如我只好選擇木款啦!
這些西德板說可保用十年, 如門有破損可以免費整隻門更換, 但間公司規模不大,我倆擔心它五年後是否還繼續經營呢!
未裝好corian 枱面時嚇了一跳, 又話corian無縫嘅, 點解枱面分開三件?好在打電話問妹夫才知道打磨後就見唔到個駁口, 後來真係揾唔到個駁口係邊呢!
鋅盤考慮了很久用番corian 原裝雙鋅盤定用不鏽鋼盤, 但以前的白色舊盤用久了變黃很醜樣, 所以試下用易清潔的不鏽鋼盤
原來想找一個合心意的不鏽鋼盤也不簡單, 我喜歡兩個size一樣的, 不要一大一細, 也考慮過用直角的盤, 因為很”型仔”, 但它的邊角清潔很麻煩所以放棄了, 其他圓角的又實在太圓太鈍的感覺不喜歡 (原來我都好鬼麻煩), 後來見到這個都算不錯就買了, 實在沒再多精力花在一個鋅盤上
厨櫃公司的sales哥哥極力推薦太X洋抽油煙機, 台灣制造, 話夠小巧型仔及有自動清功能喎!不過網上好似沒太多的評論所以都係揀番富X皇算啦 , 雖然又大部又唔靚仔, 起碼個個都話夠靜夠好力嘛, 不過要遲些才有貨
香港太潮濕了啲衫成日都唔乾, 十年前剛入伙已經想買部乾衣寶, 但係要拆咗厨櫃才裝到又唔捨得, 這次終於可以帶它番屋企啦! (犧牲都好大架, 因為買咗6L 容量超大部, 搞到厨房好有壓迫感呀)
個個都話這個牌子的洗衣機好好用, 等我試吓係咪真先
部微波爐下個星期送到, 又係超巨型, 希望好用啦
厨房門的門柄都很合心意
留言列表