傢俬篇:梳化
在家時我倆大部份時間都會瞓係梳化上看電視、雜誌及報紙等, 揀一張我倆都滿意的梳化是最重要決定之一
我和亞鄧要求其實很簡單:
皮製rather than 布梳化: 比較易打理, 不易積塵
深色rather than 淺色: 無咁易汚糟麻
坐上去不會軟棯棯: 怕坐久了腰酸骨痛
款式清簡一點
我和亞鄧都很喜歡以前的舊梳化, 所以去番同一間傢俬店, 不過去到發現無代理那一隻牌子了
Sales姐姐推介了以下的梳化:
一開始沒有選它因為:
長度成88寸, 我們廳又不大, 怕放了它沒地方走動
個款太grand啦, 不大適合我家的簡約風格
超出budget, 價錢是我們看中另外一款的兩倍
寫了那麽多, 大家都估到最後買了它啦, 無辦法啦, 啲水牛皮又厚又靚, 重靚過以前個張呀, 而且張sofa承拓力很好, 坐得好舒服
Sales姐姐話我倆係舊客, 給了一個special discount喎 (都唔知真定假) 我和亞鄧揀了深啡色, 希望到送貨時見到實物滿意啦！ 至於其它傢俬, 我地去過以下的傢俬商場: 海怡工貿中心: 啲傢俬都好靚, 不過以外國出口為主, size太大不是很適合一般香港小家庭, 記住要吃飽才去呀, 無乜餐廳 沙田新城市中央廣場:都好集中, 仲有間超大宜家tim Emax: 原來有好多傢俬店可以慢慢行, 而且比新城市中央廣場少人得多, 餐廳唔算多, 但中菜”喜善”及自助餐都唔錯 大陸田貝四路及宝安北路都去過, 都有好多好靚既傢俬, 但係我倆看中的都很大件, 所以沒有收獲。不過晚餐去了深圳hyatt 食自助餐, 無論環境及食物都相當滿意, 記住要坐窗口位, 個view好好！
餐桌、茶几
花了最多時間在挑選它們, 都怪我倆三心兩意, 常在木桌及玻璃桌子搖擺不定。如果我個廳夠大一定買實木餐桌, 質感好好多。既然間屋唔大又買了件大梳化, 最後决定買玻璃桌子算啦, 希望壓迫感無咁大啫
原來想買一張合心意的玻璃餐桌都好難, 因為現在潮流興黑玻璃, 想買張簡簡簡單單清玻璃都唔易 (黑破璃雖然好cool, 但手指摸會好顯眼, 要想保持下面張枱光潔明亮要花唔少功夫)
本來見到有張款啱又價錢平, 但是餐脚是電鍍的, sales姐姐話每星期用乾布抹抹就唔會生鏽, 我倆又沒有工人, 邊個會咁得閒抹吖
都有見到清玻璃配不鏽鋼脚, 但亞鄧話唔鍾意它的枱脚好似紐紋柴, 只是想最簡單的設計 幸好在Emax其中一間傢俬店多口問吓, 原來有得訂造, 價錢亦唔算太貴 不過無想過咁普通簡單嘅款都要訂造
順便訂造埋一樣款的茶几, 個sales哥哥一開始開出一個離哂譜嘅價錢 (是餐桌連四椅價錢的六成), 見到我地話都係唔要啦先肯減價, 不過真是生意難做, 個sales哥哥原來都係設計師嚟。
