miaohappy的部落格

客廳:

雖然而家好似要有features wall 先追得上潮流, 但係我地屋企係無依樣嘢嘅, 個電視櫃已足足用了十年有多, 買靚啲嘅料真係襟用好多

張沙發雖然超巨型(88寸長), 幸好不是太高身所以個客廳感覺唔算太迫狹, 啲水牛皮算唔錯, 坐得好舒服, 好在最後關頭轉汰揀咗佢, 無揀細咗張喳！

訂造的清玻璃茶几, 都幾大張, 睇電視用嚟long脚兩個人啱啱好

飯廳:

訂造的飯枱連四椅, 都幾滿意

不過椅脚好阻住我吸塵同拖地

訂造傢俬:

行開Emax見到啲衣櫃同油壓床幾好就落訂啦, 之後都幾後悔驚入咗黑店都唔知, 好在沒有大問題, 算係傻人有傻福

個客房衣櫃度位都算幾準, 安裝CF態度都唔錯, 但其實木紋皮真係紙咁薄, 我想唔會好襟用

有兩隻櫃桶有啲白印抹不去, CF整隻櫃桶拿走補救, 前幾日拿番來都唔覺眼啦, 不過CF話係依一隻木紋款有依個問題, 早知揀其他款啦

床同床頭櫃未影相, 有時間先post埋佢地

厨房:

抽油煙機同微波爐終於到咗, 所有電器齊備啦

抽油煙機真係好靜呀, 勁high risk唔記得關機呀！

依隻微波爐妹夫極力推介, 但真係好忙都無時間測試吓佢嘅grill功能tim

這個牌子洗衣機個個話好用, 用後真係幾好喎, 算幾靜同洗衫好乾淨, 唔需要用最高嘅1300轉, 900轉啲衫已好乾

乾衣寶好好用, 有地方裝嘅包唔會後侮, 極力推介!